Mchungaji Stephen Francis Mhina ni Mtanzania ambaye alizaliwa mwaka 1971 wilayani same mkoani Kilimanjaro.

Mchungaji Stephen Francis Mhina ni Mtumishi aliyempokea Yesu kuwa Bwana na Mwokozi wake Mwaka 1992 katika Kanisa la Tag Magomeni – Dar es salaam ambapo alianza kuukulia wokovu kwa kuhudhuria mafundisho ya kiroho na ibada zenye nguvu za Roho Mtakatifu. Alianza kumjua Mungu hatua kwa hatua na mwaka 1998 Mungu alimjalia kufunga ndoa yake takatifu na Monica Skarion Novart ambao waliendelea kumtumikia Mungu kwa mafanikio makubwa sana ndani na nje ya kanisa wakifanyika baraka sana kwa watu wengi. Tangu mwaka 1992 mpaka mwaka 2005 alikuwa akitumika katika huduma mbali mbali za kiroho ndani na nje ya kanisa la Magomeni nchini Tanzania katika huduma za watoto, katika kufundisha neno la Mungu, Kufanya huduma za Injili, Kusimamia Idara za Vijana, watoto na Huduma za Kichungaji chini ya Ofisi ya Mchungaji.

Mwaka 2005 kwa maongozi ya Mungu aliamua kuhamia Mkoani Tabora kwa ajili ya Maisha yake ambapo alianza kuabudu kanisa la Tag Maranatha Cheyo linalosimamiwa na Mchungaji Lutengano Mwasongela. Mwaka 2006 Mungu alimpaka mafuta rasmi kwa kusimikwa kuwa mchungaji msaidizi ambapo alitumika kwa takribani miaka mitatu (3) kabla ya Mungu kusema nae kuanzisha huduma mpya kama Mchungaji mwaka 2010.Mnamo mwaka 2010 yeye na mke wake waliweza kufungua kanisa la Tag Shekinah lililoanzia nyumbani kwao Mtaa wa Mwinyi Tabora kabla ya Kumiliki Ardhi na kujenga nyumba ya Mungu. Kwa sasa wamefanikiwa kujenga nyumba ya Mungu eneo la Skanda Sekondary ambapo mpaka sasa wana washirika takribani 200.

Mtumishi wa Mungu ana Elimu ya Stashahada (Diploma) ya masomo ya Biblia na kusimamia Huduma ya kanisa ambayo aliipata katika chuo cha Central Bible College kinachomilikiwa na Kanisa la Tanzania Assemblies of God na kuhitimu mwaka 2023.

Mtumishi wa Mungu ni Mwanzilishi na Mchungaji wa kanisa la mahali pamoja la Tag Shekinah na Mwenyekiti wa Baraza la Makanisa ya Kipentekoste Mkoani Tabora ambaye alichaguliwa mwaka 2023 (The Region Chairman Pastor of the Council of Pentecostal Churchies of Tanzania(CPCT))

Mpaka sasa Mtumishi wa Mungu na Mama Mchungaji Mungu amewabariki watoto wawili ambao ni Elisha Stephen Mhina na Aime Stephen Mhina.

Kufanya Utume Kwa Kuhubiri Injili Ya Kweli Ya Yesu Kristo Ili Watu Wampokee Yesu Kuwa Bwana Na Mwokozi Wao Na Hivyo Waongozwe na utatu Mtakatifu Tunaamini katika Utatu Mtakatifu, Neno la Mungu na wokovu kwa Mwanadamu, Hivyo tumewekeza kuhakikisha watu wanamwamini Mungu na kuongozwa na roho mtatifu huku wakimtii kwa kutekeleza maagizo na utamaduni uliohifadhiwa kwenye neno la Mungu.